و لقد كرمنا بني ادم .. عيب لما ربنا يقولنا كدة و نغلب شهواتنا و شرنا و نستسلم لطبيعتنا الطينية .. احنا صحيح مخلوقين من طين مش من نور زي الملايكة لكن احنا مفضلين عنهم لان زي ماحنا مخلوقين من طين احنا جوانا روح ربنا الي نفخ بيها في سيدنا ادم .. احنا الي نملك نعمة الاختيار ما بين الخير و الشر و ده الي خلا ربنا امر الملايكة تسجد لسيدنا ادم ..صحيح احنا مخلوقين بغرايز ملناش يد فيها لكن ده مش عشان تسوقنا لكن عشان نرتقي بيها فوق الدنيا و طبيعتها الدنيئة.. اقوي غريزتين عند البنيادم الاكل و الجنس ربنا حطيلنا ليهم اطار نقدر نشبع بيه الغرائز دي من غير مانقلل من قيمتنا او نحقر من شأننا و نضيع قيمة التكريم الي ربنا كرمهولنا بس للاسف كل الناس بقيت بيغلب عليها الطبيعة الطينية الدانية الغرائزية الحيوانية المنحطة و الناس نسيت ان جواها من روح ربنا .. و الناس عايشة و فاكرة و مغيبة اننا خالدين هنا .. الناس نسيت ان القصة مش اكتر من نفس طالع و نفس داخل .. و هي دي فقط قيمة الدنيا و سعتها .. ليس اكثر ..
No comments:
Post a Comment