ساعات كتير بسرح مع نفسي و اقعد افكر .. ليه يا تري البنيادمين بيستخدموا لفظ حمار و كلب عشان يهينوا او يقللوا من شأن بعض .. ؟ و الحقيقة ملقتش غير تفسير واحد و سبحان الله تشاء الصدفة ان يكون الحمار و الكلب دول من اطيب و اوفي المخلوقات الي خلقها ربنا علي وش الارض ... لكن عشان البنيادم مخلوق ناقص و دايما بيدور علي الي اضعف منو عشان يفرض عليه جبروته و ظلمه و يستمد منو القوة كان الضحية هنا الحمار و الكلب .. اكتر مخلوقين شالو قرف و ظلم و افترا البنيادمين من بداية الخليقة .. و السوأل هنا .. هل كان يستجري البنيادمين يسبوا بعض بلفظ اسد مثلا او ديب .. ؟ بالطبع لا لأن الانسان عارف كويس ان لو استفرد بيه اسد او ديب هيخليه يقول انا مرا .. و هنا نوصل لتحليل مهم جدا انا طول عمري مؤمن بيه .. كل الكوارث الي بتحصل في الدنيا و كمية الظلم و الخراب و الافترا الي سيطرت علي كل حاجة هي مش اكتر من ان الانسان بيجني صنيعة يديه ... "انت لاتقابل الا نفسك في الطريق اذا كنت خير اسرعت اليك الخيرات و اذا كنت شر اسرعت اليك الشرور"...
لا يجري علينا الا صنيعة يدينا ..
No comments:
Post a Comment