مش هقول ولا يوم من ايام زمان ... اقسم بالله و لا ثانية ..
حتي الثانية زمان كان ليها طعم حلو ... دلوقتي عمر بحاله و سنين بحالها بتمر لا ليها لا طعم ولا لون ولا عاد الواحد بيحس بطعم او بمتعة اي حاجة في اي حتة ..
تبص لي انعكاس صورتك في المرايا تحزن علي الي وصلت ليه .. تحزن علي نفسك
الواحد بقا بيحزن علي نفسه والله العظيم و علي الي وصل ليه..
.. بيحزن لما سنة بعد سنة بعد سنة تلاقي لحظات سعادتك و ابسط المتع بتاعتك بتموت واحدة ورا التانية ورا التالتة و حتي دول بيسيبوك لوحدك و يمشوا مع كل حاجة تانية حلوة بتمشي .. و تبتدي الحياه بالنسبة لك تتحول لي عقوبة بتقضيها بس الفرق ان حكم الافراج هنا مجهول معاده ..
No comments:
Post a Comment