#‏مصر‬ كيان لا يتجزأ من ‫#‏المصريين‬ و المصريين كيان لا يتجزأ من مصر

مصر مع كل القرف و الهموم و المعاناه الي فيها هي كيان بيسيطر علي مخارجك و مداخلك و تكوينك و يبقا جزء لا يتجزأ منك مهما كنت ارستقراطي او راقي او متحضر ...
الموضوع بيوصل لي درجة انك بتبقا بتشوف كل حاجة في الدنيا من خلال نظارة الواقع الافتراضي المصري و بي عنين البلد دي ...
بي معني اخر لحظات الانفعال و المتعة و الحياه اجمع بتبقا مسبوغة بالتاتش المصري ...
السواقة : فرد عضالات و كلاكسات و تكاتك و ميكروباصات و دوشة و زحمة ...
الاكل : صلصة و سمنة و تسبيك و زبحات و ازمات قلبية ..
المستقبل و الشغل : معدوم الرؤيا و الملامح و الخصائص و المكونات ..
الحياه العاطفية : عقد نفسية و كلاكيع مما يترتب انك لازم تكون فرويد عشان تقيم علاقة ناجحة او تكون كنت من المشاهدين الاوفياء لبرنامج حياتي..
تخليص الاوراق : ايام و ليالي و معاناه و بلاد تشيلك وبلاد تحطك و عوم و جري و قفز بالزانة و رمي قرص ..
التفاؤل و المعناويات : تحت الصفر بي شويا و احيانا بي شويتين تلاتة اربعة الي اخر جدول "مندل"
الرياضة : دي مصر يا جماعة دنا هسخسخ خلاص هسخسخخخخخ .
الحياه العملية و العمل الخاص و البيزنيس : شخلل عشان تعدي يا بلدينا .
الفن : "كام اين ايجيبت"
الاعلام : حر جاف صيفا دفيء ممطر شتائا .
الجو : ممنوع منعا باتا التعامل مع اللون الابيض علي انه لون موجود في الدنيا و بيتم التعامل معاه بصورة طبيعية و انه جزء اصيل من قائمة الالوان .
السياسة : " الا قلي يا واد يا مزيكا ..انت تفهم في السياسة يالا ؟ " "افهم في السياسة .. ! انا الشعب"
العلم و التعليم : انا قريت الكلام ده في مجلة يونانية اسمها "صيد العصاري"
الدين : شعب متدين بطبعه .
الموت: حسن فهمي لازم يكون علي رأس المعزيين .
الجميل بقا ان بالرغم من كل معطيات المعاناه دي و الي تقريبا متواجدة حتي في ابسط تفاصيل الحياه اليومية الا اني اشك شك قاطع ان المصريين يعرفو يعيشوا لو معملوش الحاجات دي بي نفس الصور دي و بي نفس التفاصيل و الخطوات دي ...
الموضوع اشبه بي تابلو سيريالي رسمه فنان مغمور لي اسرته الصغيرة بالفحم ..
صعب جدا بل شبة مستحيل فهم الابعاد الفنية و ما تحمله الصورة من الوان و معاني الا للي رسمها و الا للي بالفعل جزء منها ...
بي صورة ابسط مصر للمصريين عاملة زي صدفة السلحفة للسلحفة استحالة اي مخلوق يفهم ايه الفكرة من صدفة السلحفة الا السلحفة نفسها .. smile emoticon
مصر جايز مش احسن بلد في الدنيا بس هي بالتأكيد احسن بلد للمصريين ..
و المصريين بالتأكيد مش احسن شعب في الدنيا بس هما احسن شعب لمصر .
‫#‏مصر‬ كيان لا يتجزأ من ‫#‏المصريين‬ و المصريين كيان لا يتجزأ من مصر .
‪#‎Egyptians_are_fit_for_Egypt_and_Egypt_is_fit_for_Egyptians‬